Kaantasan ng Pang-uri - Quiz

Ang kaantasan ng pang-uri ay madali lang. Ngunit ito ay hindi limitado sa pormang MADALI - MAS MADALI - PINAKAMADALI. 

Maaaring gamitin ang pagsusulit sa ibaba upang mahasa ang kaalaman sa kaantasan ng pang-uri.

Isang Aral Para kay Armando Modyul

Is there anything that your parents do that annoys you? Do they prevent you from doing stuff that you know you will enjoy? Sometimes, parents do those things because they think they are protecting you. Most of the time, they are right. Is the same thing what happened to Armando in his story? Let's find out.

Isang Aral Para Kay Armando

        Si Armando ay ang kaisa-isang anak ni Aling Nida at Mang Mateo. Dahil ayaw ng kanyang mga magulang na siya ay masaktan, siya ay palagi nilang pinagsasabihan. Madalas niyang marinig ang, “Huwag mong gawin iyan,” o “Bawal kang magpunta doon.” Naiinis si Armando tuwing siya ay pinagbabawalan, lalo na ng kanyang nanay. Naiisip niya na walang tiwala ang kanyang ina sa kanyang kakayahan at gusto nito na siya ay nasa loob lamang ng bahay.

 
          May isang bagay na talagang gustung-gustong gawin si Armando na mahigpit namang ipinagbabawal ng kanyang ina – ang maligo sa ilog. “Napakabilis ng daloy ng tubig sa ilog. Maliit ka pa at kayang-kaya kang matangay ng agos nito,” ang laging paalala ng kanyang ina sa bata.
 
Ngunit naniniwala si Armando na kaya niyang maglangoy sa ilog. Tinuruan na siya ni Mang Mateo na maglangoy sa sapa malapit sa kanilang bahay. “Matatakutin lang talaga si Nanay,” ang sabi nito sa sarili. Nangako ito na sa susunod na pagkakataon ay maliligo siya sa ilog.

 
          Isang hapon, napadaan sina Armando at ang kanyang mga kaklase sa ilog. Napakainit noong araw na iyon kaya’t nagkayayaan silang magpalamig sandali. Hinubad nila ang kanilang mga uniporme at lumusong kaagad. Napakalamig ng tubig! Masayang nagtampisaw ang mga bata sa mababaw na bahagi ng ilog.

            Maya-maya ay naisip ni Armando na magtungo sa mas malalim na bahagi ng ilog. Pagdating niya sa gitna ay naramdaman niyang bumilis ang agos ng tubig. Sinubukan niyang tumayo ngunit hindi na niya abot ang ilalim ng ilog. Nagsimula na siyang anurin ng agos at wala siyang magawa.

 
           Labis na lang ang takot ni Armando nang lumubog ang ulo niya. Kahit na anong kampay at sipa, hindi siya makalangoy pabalik sa mababaw na bahagi ng ilog. Malakas niyang ikinampay ang kanyang kamay at sumigaw ng, “Saklolo!” nang mailabas niya ang kanyang ulo mula sa tubig.
 
Ngunit hindi marunong maglangoy ang mga kasama ng bata. Napatingin na lang sila sa kanilang kaibigan na noon ay nakalubog na naman. Mabuti na lamang at may lalaking biglang tumalon sa tubig at lumangoy para sagipin si Armando. Pinaliliguan pala ng kanilang kapitbahay ang kanyang kalabaw sa ilog kaya’t siya ay mabilis na nakatulong.

 
          “Salamat po, Mang Tacio. Akala ko’y mamamatay na ako,” ang pasasalamat ni Armando. “Tama ang aking nanay. Hindi ko pa nga kayang maglangoy sa ilog. Dapat ay nakinig ako sa kanya,” ang dagdag pa nito.

 
             At mula noon ay natuto na si Armando na sumunod sa kanyang ina at ama. Hindi na siya naiinis kapag pinagsasabihan siya ng kaniyang ina. Napagtanto niyang mas alam ng mga magulang kung ano ang dapat para sa kanilang mga anak kaya tama lang na sila ay pakinggan at sundin.   
 

You can download the module here.

Ang Pitaka ni Ana

One of my favorite mommies online is the person behind Samut-samot, Mommy Pia. Her blogsite has really helped me so much in teaching my son and my other students. 

When she emailed me for a potential collab work, I was so thrilled. I literally fangirled all over her. She graciously gifted me with three worksheets. These were stories and exercises that I wrote and that she fixed to make them look nicer. 

I am now sharing her gifts with you. 

The first one is about a girl who seemingly lost her wallet.

Ang Pitaka ni Ana

You can download the PDF file of this here.

Ang Matalinong Uwak

Aesop wrote a short story about a crow that found a piece of cheese. As it was about to eat, a fox saw it and tricked the crow into dropping the cheese. Will this story have the same ending?

Ang Matalinong Uwak

        Isang araw, may isang uwak na nakakita ng karne na nakabilad sa ilalim ng araw. Dali-dali niya itong kinuha at inilipad sa tuktok ng isang puno.

        Sisimulan na sana ng uwak na kainin ang karne nang may marinig  itong malakas na boses ng isang asong gubat.

        “Sa lahat ng ibon dito sa kagubatan, ikaw, uwak, ang may pinakamagandang boses. Maaari ka bang umawit para sa akin?” ang sabi ng asong gubat.

        Natuwa ang uwak sa narinig. Inilagay nito ang karne sa ilalim ng kanyang paa at saka umawit. Hindi nalaglag ang karne na inaasahan ng asong gubat. Umalis na lamang ito patungo sa gitna ng gubat.

Pagkatapos basahin ang kuwento, sagutin ang mga tanong dito.

Ang Hari at ang Bato sa Gitna ng Daan Modyul

Have you ever encountered an obstacle in your life? What did you do in order to get past it? Here is a story of a king who deliberately placed an obstacle on the road in order to see how people are going to deal with it. Who will remove the huge rock? Find out in this module.

ANG HARI AT ANG BATO SA GITNA NG DAAN

Noong unang panahon, may isang hari na palaging nag-iisip ng paraan kung paano niya mapabubuti ang kanyang kaharian. Isang araw, naisipan niyang subukin ang mga tao sa kaniyang nasasakupan. Nais niyang alamin kung ano ang gagawin ng mga tao kung sakaling sila ay may makitang isang sagabal sa kanilang daraanan.

“Magpapalagay ako ng isang malaking bato sa gitna ng kalsada. Pagtapos ay magkukunwari akong isang tindero upang maobserbahan ko ang mga taong dadaan. Titingnan ko kung ano ang kanilang gagawin,” ang sabi ng hari sa kanyang sarili.

Noong gabing iyon ay nagpalagay na nga ang hari ng isang malaking tipak ng bato sa gitna ng daan. Kinabukasan, dala ang kanyang paninda at suot ang isang malaking sumbrero, tumigil ang hari sa tabi ng kalsada at nagkunwaring tindero.

Maya-maya ay may dumaang isang karwahe. Nakasakay dito ang isa sa pinakamayamang tao sa kaharian. Naglalakad sa tabi ng karwahe ang sampung utusan ng lalake. “May batong nakaharang sa daan. Iiwas mo ang karwahe,” ang utos nito sa kutsero.

“Hindi man lang naisip ng taong iyon na alisin ang sagabal samantalang napakarami niyang utusan na maaring gumawa ng trabaho,” ang malungkot na naisip ng hari.

Ilan pang karwahe ng mayayamang tao ang dumaan. Naobserbahan ng hari na ang lahat ay umiwas sa batong nakaharang sa daan. Lahat sila ay nagmamadali.

Hindi nagtagal ay nakita ng hari na paparating ang mga karwahe ng mga pinuno ng kaharian. “Ah, ang mga ito ay mga namumuno sa aking kaharian. Siguradong sila ay mayroong malasakit sa iba at tatanggalin ang nakaharang sa kalsada,” ang naisip ng hari.

“Bakit may bato sa daraanan? Anong klaseng hari ba ang mayroon tayo at hindi man lamang niya mapanatiling maayos ang mga kalsada sa lugar na kanyang nasasakupan?” ang reklamo ng unang pinunong dumaan.

Nagulat ang hari dahil ang inaakala niyang mga taong may gagawin upang maalis ang balakid sa daan ay walang ginawa. Bagkus, ang mga pinunong dumaan ay nagreklamo pa.

“Ito ba ang mga pinunong pinagkakatiwalaan ko upang tumulong sa aking mamuno?” ang dismayadong naisip ng hari.

Pagdating ng tanghali, nagsimula nang mawalan ng pag-asa ang hari dahil wala pa ring nag-aalis ng bato sa kalsada kahit na napakarami nang dumaan.

Maya-maya ay may isang karitong dumating. Sakay nito ang isang magsasaka na papunta sa pamilihan. “Naku, may malaking bato sa daraanan. Siguradong maraming maabala nito,” ang mahinang sambit ng magsasaka. Kaagad itong bumaba mula sa kanyang kariton at dali-daling itinulak ang mabigat na bato. Dahil sa sobrang bigat, ang bato ay hindi maiusog ng magsasaka.

“Amang, maaari mo ba akong tulungang ilagay ang bato sa gilid ng kalsada? Marami kasing maaabala nito kapag ito ay hinayaan lamang,” ang sabi nito sa tindero na nakaupo sa gilid ng kalsada. Lumapit ang hari na nagkukwaring tindero at pinagtulungan nila ng magsasaka na buhatin ang bato.

Nang maitabi na nila ang malaking bato, inalis ng hari ang kanyang takip sa ulo. Laking gulat ng magsasaka nang makilala niya ang hari.

“Dahil sa iyong malasakit para sa iba, bibigyan kita ng pabuya,” ang wika ng hari. Maliban pa sa isang malaking supot ng ginto, isinama rin ng hari ang magsasaka sa kanyang palasyo upang mahingan niya ito ng payo ukol sa pamumuno.

Ipinatawag ng hari ang mga pinuno ng kaniyang kaharian. Ikinuwento niya ang kanyang naobserbahan sa gilid ng kalsada. Isa-isa niyang inalis sa puwesto ang mga pinuno na walang ginawa upang maalis ang balakid sa daan at nagreklamo lamang tungkol dito.

Find vocabulary exercises, reading comprehension questions, and writing practices based on this story here.

Pagpapantig - New Lesson

Ang bawat salita ay binubo ng mga pantig. Ang pantig ay galaw ng bibig, saltik ng dila na may kasabay na tunog ng lalamunan o walang antalang bugso ng tinig sa pagbigkas ng salita. 

Mahalagang matutunan ng isang mag-aaral ang pagpapantig ng mga salita dahil ito ay makatutulong sa pagpapabilis magbasa. Dadgdag pa na matutunan din nilang bumuo ng bagong salita sa pamamagitan ng pagdadagdag ng titik o pantig.

Narito ang isang maikling pagsusulit. Pantigin ang mga salita sa ibaba at isulat kung ilang pantig ang bumubuo sa bawat isa:

_____ 1.) tahimik
_____ 2.) katutubo
_____ 3.) sa
_____ 4.) hindi
_____ 5.) silid-aralan
_____ 6.) itim
_____ 7.) po
_____ 8.) nararamdaman
_____ 9.) dalawa
_____ 10.) nagagalak


Tingnan kung tama ang iyong mga sagot:
1.) 3
2.) 4
3.) 1
4.) 2
5.) 5
6.) 2
7. 1
8.) 5
9.) 3
10.) 4

Kung kailangan pa ng dagdag na ensayo, sagutin ang mga worksheets dito:

(sorry, to follow)

Pagsusulit sa Kambal Katinig

Nalilito pa rin kung ang mga salita ay mayroong kambal katinig o wala? Narito ang isang maikling pagsusulit na maaaring makatulong.