Ibalik ang Hindi sa Iyo Modyul

I recently found money on the floor of our building lobby. I really had to think hard for a way to be able to return it to the owner.

Here is a story of three kids who found something and had to decide on what to do with it. The module contains the usual vocabulary test, reading comprehension questions, and a short writing exercise. I also added a comic strip portion to help your student practice writing dialogues.

Ibalikang Hindi sa Iyo

“Matagal na ba kayong naghihintay diyan?” ang tanong ni Kris sa kanyang dalawang kaibigan habang nagmamadaling lumalapit sa kanila.

“Hindi naman,” ang sagot ni Brian. Mabilis na isinukbit ni Yasmin ang kanyang bag sa kanyang balikat at nagsimulang maglakad. Araw-araw ay nagkikita ang tatlong magkakaibigan sa ilalim ng kanilang paboritong puno at sabay-sabay na naglalakad papasok sa paaralan.

“Pinayagan ba kayong sumama sa ating field trip?” ang tanong ni Brian.

“Oo, malaki ang kinita ni Tatay noong nakaraang buwan kaya may ekstra raw kaming pera. Suwerte!” ang masayang sagot ni Kris.

“Ako naman ay malas,” ang sagot ni Yasmin. “Kailangan kasing palitan ang mga gulong ng dyip ni Tatay kaya wala kaming pambayad.”

Natahimik ang magkakaibigan. Napatungo si Brian kaya’t siya ang unang nakapansin ng isang kulay-kapeng bagay sa tabi ng kalsada.

“Uy, tingnan niyo. May wallet o!” ang sambit nito. Tumakbo ang tatlo. Dinampot ni Kris ang lumang pitaka na panlalaki at binuksan. Binuklat niya ang mga bulsa.

“Ay, walang pangalan o ID man lang. Paano natin maisasauli sa may-ari?” ang tanong nito.

“Kung walang ID, eh di sa atin na ang laman. Hati-hati tayong tatlo,” ang sabat ni Yasmin habang pilit na sinisilip kung magkano ang laman ng pitaka. “Baka sapat na iyang pambayad sa field trip!”

“Pero hindi naman sa atin ito,” ang sagot ni Kris.

“Tama si Kris,” ang pag-amin ni Brian. “Kapag kinuha natin ang pera ay para na rin natin itong ninakaw,” ang paliwanag pa nito.”Di’ba yun ang sabi ni Bb. Hilario? Ibalik ang hindi sa iyo.”

“Eh paano natin isasauli? Wala ngang pangalan,” ang tanong ni Yasmin.

“Ibigay na lang natin sa guwardiya ng paaralan. Siguradong kung may nakahulog nito ay magtatanong ito doon,” ang sabi ni Kris.

Mabilis na naglakad ang magkakaibigan papunta sa tarangkahan ng kanilang paaralan upang ibigay sa guwardiya ang natagpuang pitaka.

“Huwag kang mag-alala, Yasmin. Makakaisip din tayo ng paraan upang makaipon para sa pambayad mo sa field trip,” ang nakangiting sabi ni Brian sa kaibigan.

“Alam ko na! Magpapaluto ako kay Inay ng mga kakanin. Puwede natin itong ibenta sa ating mga kaklase!” ang masayang sigaw ni Kris.

At masayang naglakad papunta sa kanilang silid ang tatlong magkakaibigan.

Ang Totoong Regalo Modyul

This is a story of a boy who wanted to buy his dad a gift for Father's Day. He had to work hard to save up for his gift. There is a vocabulary exercise, comrehension questions, and a short writing activity.

Ang Totoong Regalo

         Isang buwan bago ang Araw ng mga Ama, nakakita si Jacob ng regalong perpekto para sa kanyang ama. Ito ay isang “tool kit” na mayroong kasamang lyabe, birador, at ilan pang mga kasangkapan na siguradong magagamit nito.. Isa kasing “repairman” ang kanyang tatay..

         “Ano  kaya ang puwede kong gawin para kumita ng pera upang mabili ko ang tool kit na iyon?” ang tanong ng bata sa kanyang sarili.

         Napunta ang kanyang atensiyon sa mga boteng nasa ilalim ng kanilang lababo. Naisip niyang mapagkakakitaan niya ang mga ito kung ibebenta niya ang mga bote sa malapit na junkshop. Alam niyang hindi sapat ang kanyang mapagbebentahan kaya’t pinuntahan niya ang kanyang mga kapitbahay at pinakiusapan kung maaari niyang  hingiin ang kanilang mga gamit na papel, boteng walang laman, mga sirang gamit at iba pa. Ginawa niya ito ng ilang beses.

         Dalawang linggo bago ang mahalagang araw, binilang ni Jacob ang kanyang naipon ngunit kulang pa rin ito. Nabaling naman ang kanyang tingin sa supot ng mga lumang damit na itatapon na ng kanyang nanay. Binuksan niya ang bag at nakita niyang maaari pa namang gamitin ang mga ito ngunit maliit na para sa kanila. Naisip niyang silipin ang kanyang kabinet at kuhain lahat ng damit at mga sapatos na kanyang napaglakihan. Nang dumating ang kanyang nanay mula sa opisina ay nagpaalam siya kung maaari niyang ibenta ang kanyang mga lumang gamit. Pumayag ito ay tinulungan pa niya si Jacob na kolektahin ang iba pang gamit na maaari niyang ibenta.

Naglatag siya ng sapin sa labas ng kanilang bahay at nilagay ang mga lumang kagamitan. Naglagay rin siya ng isang karatulang may nakasulat na “Garage Sale”. Pagkatapos ng dalawang oras ay naibenta na niya ang lahat ng gamit na kanyang inilabas.

         Noong umaga ng Araw ng mga Ama, inilabas ni Jacob ang malaking kahon na naglalaman ng bagong biling tool kit at ibinigay sa  kanyang Tatay.

         “Maraming Salamat, anak! Alam kong pinaghirapan mong kitain ang ipinambili mo nito.”

         “Wala pong anuman, Tay. Masaya po akong may naibigay akong regalo sa iyo,” ang nakangiting sagot ni Jacob.

         “Anak, ang totoong regalo ay ang pagod at oras na iyong ginugol para kumita ng pambili mo nito,” ang sambit ng kanyang ama na punong-puno ng pagmamahal para sa kanyang anak.

Download the worksheet here: Ang Totoong Regalo Modyul

Balang Araw, Magiging Magaling Din Ako Modyul

This is a short story about a boy who used others people's taunts and insults to motivate him to be a better player.

The module contains a vocabulary test, comprehension questions, writing exercises, and a slogan making activity.

Balang Araw, Magiging Magaling Din Ako