Simuno at Panaguri

May bagong lesson at worksheets

Simuno at Panaguri: Mga Bahagi ng Pangungusap

Ang bawat buong pangungusap ay may dalawang pangunahing bahagi: ang simuno at ang panaguri. Alamin kung paano tukuyin ang mga ito at magsanay gamit ang libreng interactive lesson at mga printable worksheet.

Na-update na ang paksang ito!

May bago na tayong mas kumpletong lesson, interactive activity, walong leveled worksheets, at complete answer key. Maaari pa ring gamitin ang apat na naunang worksheet na nasa ibabang bahagi ng post na ito.

Piliin ang Kailangan Mong Resource

Bagong Lesson at Game

Balikan ang simuno at panaguri, pag-aralan ang payak at buong bahagi, at subukan ang interactive activity nina Lino at Saya.

Buksan ang Lesson at Game

Bagong Leveled Worksheets

Mag-download ng walong worksheet mula Pundasyon hanggang Level 3B. Kasama rin sa resource page ang complete answer key.

Tingnan ang Bagong Worksheets

Kaugnay: Ayos ng Pangungusap

Kapag alam na ng bata ang simuno at panaguri, maaari niyang pag-aralan kung paano nagbabago ang ayos ng dalawang bahaging ito.

Buksan ang Ayos Worksheets

Maikling Balik-Aral: Ano ang Simuno at Panaguri?

Ang simuno ang pinag-uusapan sa pangungusap. Maaari itong tao, hayop, bagay, lugar, o pangyayari. Ang panaguri naman ang nagsasabi ng kilos, katangian, o impormasyon tungkol sa simuno.

Sa mas malalim na pag-aaral, maaari ring tukuyin ang payak na simuno, buong simuno, payak na panaguri, at buong panaguri. Ang payak na bahagi ang pinakapangunahing salita, samantalang kasama sa buong bahagi ang lahat ng salitang naglalarawan o bumubuo rito.

Halimbawa:

Nagdidilig ng mga halaman ang masipag na bata.

Buong simuno: ang masipag na bata
Payak na simuno: bata
Buong panaguri: nagdidilig ng mga halaman
Payak na panaguri: nagdidilig

Paano Ito Nauugnay sa Ayos ng Pangungusap?

Sa pag-aaral ng simuno at panaguri, tinutukoy ng bata ang dalawang bahagi ng pangungusap. Sa ayos ng pangungusap, sinusuri naman niya kung alin ang nauna: ang panaguri sa karaniwang ayos o ang simuno sa di-karaniwang ayos. Magkaugnay ang dalawang kasanayan, kaya mainam na pag-aralan ang simuno at panaguri bago o kasabay ng ayos ng pangungusap.

Magpatuloy sa libreng Ayos ng Pangungusap worksheets at activities.

Naunang Simuno at Panaguri Worksheets

Narito pa rin ang apat na orihinal na worksheet set mula sa post na ito. Maaari silang gamitin bilang dagdag na pagsasanay, seatwork, takdang-aralin, o maikling pagtataya. Para sa mas malinaw na antas ng hirap at kumpletong answer key, gamitin ang bagong leveled worksheet collection.

Simuno at Panaguri 1

Maikling printable practice tungkol sa dalawang pangunahing bahagi ng pangungusap.

I-download ang PDF

Simuno at Panaguri 2

Karagdagang pagsasanay sa pagkilala sa simuno at panaguri sa mga pangungusap.

I-download ang PDF

Simuno at Panaguri 3

Printable activity para sa patuloy na pagsasanay at mabilis na pag-check ng pag-unawa.

I-download ang PDF

Simuno at Panaguri 4

Ikaapat na printable set para sa dagdag na independent practice o pagtataya.

I-download ang PDF

Tip para sa guro o magulang: Gamitin muna ang maikling balik-aral bago ipasagot ang worksheets. Kung nahihirapan pa ang bata sa pagkilala sa payak at buong bahagi, magsimula sa Pundasyon worksheets sa bagong collection.

Pangungusap at Parirala

Ang pangungusap ay grupo o pangkat ng mga salita na may buong diwa. Ito ay nagsisimula sa malaking titik at nagtatapos sa bantas (. ? !)

Hal.  Sina Meryl at Jenny at mahilig magbasa ng libro.

      Bumili si Gerald ng regalo para sa kanyang nanay noong Linggo.

Ang parirala naman ay grupo ng mga salita na hindi buo ang diwa.

Hal.  Sina Meryl at Jenny

      noong Linggo

      ng regalo para sa kanyang nanay

Subukan mo ngang Sagutin: Alamin kung ang pangkat ng mga salita ay pangungusap o parirala. Ang mga halimbawa ay sadyang nakasulat gamit ang maliit na titik at walang bantas.

1. puting medyas na nasa ilalim ng kama

2. mabilis tumakbo si Luisito

3. tahimik na nakikinig

4. inayos ni Amy ang mga libro

5. nanonood ng programa sa telebisyon si Hannah

Sagot:

1. parirala

2. pangungusap

3. parirala

4. pangungusap

5. pangungusap

Narito ang ilan pang pagsusulit na maaaring gamitin upang subukin ang kaalaman ukol sa pagkilala ng parirala at pangungusap: 

Parirala 1 - Download the PDF copy here.

Parirala 2 - Download the PDF copy here.

Parirala 3 - Download the PDF copy here.

Parirala 4 - Download the PDF copy here.

Maaari mo ring sagutin ang online quiz na ito:

Online Quiz - Pangungusap o Parirala

Narito ang isang madaling pagsusulit upang matutong kumilala ng pangungusap at parirala.

Saan Nagmula ang Ulan? - Module

I personally hate the rain. Well, I love that it helps the farmers water their plants and that it's free water for many. BUT, I hate getting wet. I hate the damp feeling that it brings. 

It rained a little the other day so it made me think of an origin story for it. Here is a legend of how the rain came to be.

SAAN NAGMULA ANG ULAN?

Noong panahong kalilikha pa lamang ng mundo, may isang higanteng nakatira sa loob ng isang madilim na kuweba. Ang pangalan ng higante ay Wulan. Si Wulan ay sadyang nakatatakot dahil sa kaniyang angking laki at tapang. Lahat ng taong naninirahan malapit sa kuweba ay takot na takot sa kaniya.  . 

   

Sa panahong iyon, ang tubig na ginagamit ng mga tao sa pagdidilig at paghuhugas ay nanggagaling sa dagat. Pati na ang kanilang iniinom ay sa dagat rin nila kinukuha. Dahil maalat ang tubig, hindi nagugustuhan ng mga tao ang lasa nito.

Isang araw, habang ang mga lalaki ay nangangaso, nakatuklas sila ng isang bukal ng tubig malapit sa kuweba ni Wulan. Sinubukan nilang inumin ang tubig na bumubulwak mula sa lupa. Napakasarap ng tubig! Napakalamig pa! Natuwa ang mga mangangaso. Naghiyawan sila sa galak. Dahil sa ingay ay nagising si Wulan at tumakbo ito patungo sa pinagmumulan ng hiyawan.

“Lumilindol!” ang sigaw ng mga lalaki. “Hindi, si Wulan ang nagpapayanig sa lupa. Hayun siya’t tumatakbo papalapit dito,” ang sagot naman ng isa.

“Kumubli tayo at baka tayo ay kanyang makita. Siguradong magagalit iyon dahil nagising natin siya ng ating ingay!” sabi ng kanilang pinuno. Mabilis na nagsipagtago ang mga lalaki, kaya wala nang naabutan si Wulan. Ito ay nayayamot na bumalik sa kaniyang kuweba.

Dahil sa napakasarap ng tubig na nagmula sa bukal, nagbalak ang mga taong bumalik dito upang sumalok ng maiinom.

“Tayo ay sasalok lamang ng tubig tuwing hatinggabi, habang natutulog si Wulan. Bawal ang maingay dahil lahat tayo ay siguradong mapapahamak kapag siya ay ating nagising,” ang sabi ng kanilang pinuno.

Isang hatinggabi, habang napakaraming tao ang nakapila upang sumalok ng tubig sa bukal, hindi sinasadya ng isang babae na maihulog ang kanyang dalang timba. Ito ay tumama sa isang malaking bato at lumikha ng napakalakas na ingay.

Si Wulan ay tumakbo palabas ng kuweba. Dala niya ang isang napakalaking lambat. “Napaka-ingay!” ang galit na sigaw nito. Inihagis niya ang lambat at nakahuli siya ng daan-daang tao. Ibinilanggo niya ang mga taong kaniyang nahuli sa mga ulap.

“Mula ngayon ay diyan na kayo maninirahan. Iyan ang parusa niyo sa paggising ninyo sa akin” ang dumadagundong na wika ng higante.

Marami sa mga nabihag ni Wulan ay dala pa ang kanilang timbang puno ng tubig mula sa bukal. Ibinaba nila ang mga ito sa ulap. Tuwing sumisigaw si Wulan ay nayayanig ang mga ulap at nanginginig ang mga timba. Tumatapon ng bahagya ang tubig na laman ng mga ito. Ang malamig at masarap na tubig ay bumubuhos mula sa mga ulap papunta sa lupa. Ang tubig ay tinawag ng mga tao na “wulan”. Di naglaon ay nakilala ito bilang ulan.

 
 
 

You can download the PDF copy of this module here.

  

Pang-Ukol Online Quiz

Narito ang isang napakadaling pagsusulit sa pagpili ng angkop na pang-ukol.

Pang-ukol

Basahin ang maikling pag-uusap ng magkapatid na sina Meryl at Albert. Bigyang pansin ang mga pariralang naka-salungguhit.

           Ang Sabi ng PAGASA        

    

       Sina Meryl at Albert ay nakadungaw sa kanilang bintana habang nakikinig sa balita sa radio.

Meryl:   Ano raw ang sabi ng tagapagbalita?

Albert:  Ayon daw sa PAGASA, Signal Number 2 na ang bagyo dito sa Metro Manila. Wala tayong pasok.

Meryl:   Pero ayon kay Nanay, meron daw tayong pasok. Inihahanda na nga niya ang baon para sa atin.

Albert:  Baka hindi niya narinig ang balita sa radyo.

Meryl:   Halika, sabihin natin kay Nanay kung ano ang narinig natin sa balita.

          Ang mga pariralang nakasalungguhit ay mga pang-ukol. Ito ay mga pang-ugnay na nagpapakita ng kaugnayan ng pangngalan o panghalip, sa pangungusap o sa pinag-uukulan ng isang gawain.

Narito ang halimbawa ng mgapang-ukol na karaniwan nating ginagamit:

Narito ang ilang madaling pagsusulit upang hasain ang kaalaman sa pang-ukol:

 

Click here for the PDF Version - Pang-ukol 1

Click here for the PDF Version - Pang-ukol 2

Click here for the PDF Version - Pang-ukol 3

Si Kulas Kalimot Modyul

Are you always coming in late for school (or work) because you keep forgetting things. I am. I would walk out the door, get to the car, and realize that I forgot my wallet/phone/both. My son is the same. So, I decided to make a story about it. It's not "true to life" but close enough.

   Si Kulas Kalimot

     Tinanghali na naman nang pasok sa kanilang klase si Kulas. Habang dahan-dahang pumapasok sa klasrum ang bata ay tinanong ito ng kanilang guro. “Nicholas, bakit nahuli ka? Hindi ka tuloy nakasali sa ating flag ceremony.”

     “Pasensiya na po, ma’am. Maaga naman po akong umalis sa amin kaya lang ay bumalik po ako sa bahay dahil nakalimutan ko pong dalhin ang aking proyekto sa Science,” ang nahihiyang sagot ng bata.

     Napabuntong-hininga na lamang ang guro. Karaniwang pangyayari na ang pagpasok ni Kulas nang huli sa klase. Noong isang linggo ay nahuli siya dahil nakalimutan niya ang kaniyang baunan. Dalawang linggo naman bago iyon ay bag naman niya ang kaniyang naiwanan. Minsan ay tinatawag na siyang “Kulas Kalimot” ng kanyang mga kaibigan dahil tila hindi lumilipas ang isang linggo na wala itong nakalilimutan.

     Isang araw, ginrupo-grupo ng kanilang guro sa Filipino ang kanilang klase. Sila ay magkakaroon ng pangkatang pagtatanghal. Lahat sila ay mayroong parte. Dahil magaling umarte, si Kulas ang naatasang maging bida kahit na malaki ang alinlangan ng kanyang mga kagrupo. “Kulas, huwag kang mahuhuli sa araw ng pagtatanghal ha!” ang paalala ng kanyang mga kagrupo. “Kulas, pumasok ka nang maaga,” ang dagdag pa ng kanilang lider. “Oo, maaga akong papasok,” ang sagot naman ni Kulas.

      Sa araw ng pagtatanghal, maagang bumangon si Kulas. Inilagay na niya ang bag ng kanyang “costume” sa may pintuan para hindi niya ito malimutan. Mabilis siyang kumain ng agahan at naghanda para sa pagpasok. Pagkatapos magsepilyo ay tumakbo na si Kulas palabas ng bahay. Kaagad siyang pumara ng traysikel at sumakay papunta sa kanilang paaralan.

     Pagbaba niya ng traysikel ay napansin niyang kulang ang kaniyang dala. “Nasaan ang bag ng aking damit?” ang natatarantang tanong ng bata. Mabuti na lamang at hindi pa nakalalayo ang traysikel kaya mabilis siyang nakasakay at nakabalik sa kanilang bahay. Pagpasok niya ay nakita niya agad ang kaniyang bag na nasa may pintuan. Dali-dali niyang kinuha ang bag at tumakbo papabalik sa traysikel. “Kuya, bilisan mo po ha, mahuhuli na kasi ako sa klase” ang pagmamakaawa ng bata sa drayber. Pinaharurot ng drayber ang kanyang motor at mabilis naman silang nakarating sa paaralan.

     Pagpasok sa klasrum ay nakita niyang nagsimula na ang pagtatanghal. “Kulas! Huli ka na naman. Bakit hindi ka pa nakabihis?” ang pabulong at naiinis na tanong ng kanilang lider. Hindi na nagpaliwanag si Kulas. Tumakbo siya papunta sa likod ng kurtina at mabilis na nagbihis. Sa kabutihang palad ay umabot si Kulas sa kaniyang parte sa pagtatanghal.

     Pagkatapos ng kanilang klase, nagtipon ang kanilang grupo at pinagsabihan si Kulas ng kanilang lider. “Kulas, nakasalalay sa’yo ang ating grado. Mabuti at umabot ka! Sa susunod ay hindi ka na talaga namin isasali,” galit na wika nito.

      Noong hapon ay kinausap ni Kulas ang kaniyang nanay. “Buti na lang po at umabot ako, kung hindi, siguradong magagalit silang lahat sa akin,” ang sabi ng bata sa kanyang nanay matapos nitong ikuwento ang nangyari.

      “Ay, Nicholas. Kahit ako naman ay magagalit sa iyo kung ako ang iyong kagrupo. Siguro ay kailangan mo nang maghanap ng solusyon sa pagiging makakalimutin mo,” ang sagot naman ng nanay niya. “Bakit hindi ka gumawa ng listahan ng mga bagay na kailangan mong dalhin. I-check mo ang listahan bago ka umalis,” ang payo nito. “Idikit natin sa pinto ang listahan at siguraduhin mong kumpleto lahat ng dala mo bago ka lumabas,” ang dagdag pa nito.

      “Sigo po. Susubukan ko pong gumawa ng listahan. Mag-iisip pa ako ng ibang solusyon para hindi na ako maging makakalimutin,” ang sagot naman ng bata.

      Kinabukasan ay sabay na lumabas ng bahay sina Kulas at ang kaniyang nanay. Bago makalayo ng bahay ay inalala ni Kulas ano ang kaniyang mga dapat na dala. Wala siyang nakalimutan.

      “Mauna ka na sa kanto, anak” ang sabi ng kaniyang nanay. “Bakit po?” ang nalilitong tanong naman ni Kulas. “Nakalimutan ko kasi ang aking pitaka,” ang nahihiyang sagot ng kaniyang nanay habang nagmamadali itong naglalakad pauwi. Napailing na lang si Kulas. Hindi lang pala siya ang makakalimutin sa kanilang pamilya.

You can download the module here. It contains vocabulary exercises, reading comprehension questions, and a writing activity.