Bakit Mataas ang Langit - Modyul

According to folk tales, a long time ago, heaven used to be so close to Earth that you could reach it with a stick. What happened? Why is it so high now?

This module contains the story, vocabulary exercises, comprehension questions, and writing prompts.

BAKIT MATAAS ANG LANGIT?

        Noong unang panahon, mababa lang ang langit. Puwede itong maabot kahit gamit lamang ang isang patpat. Ginawa itong mababa ni Bathala para madali niyang marinig ang kahilingan ng mga tao. Madali rin niyang naibibigay ang kailangan nila. Dahil sa mababa ang langit, lahat ng hilingin ng mga tao ay naibibigay agad sa kanila. Hindi na nila kailangang kumilos at maghanapbuhay.

        “Bathala, nagugutom na po kami,” ang sabi ng isang lalaki. Agad siyang binigyan ng pagkain ni Bathala para sa kanyang pamilya.

“Bathala, kailangan po namin ng bagong kasuotan,” ang hiling naman ng isang babae. Dali-dali naman siyang biniyayaan ni Bathala ng mga damit.

Isang tawag lang kay Bathala ay agad na naibibigay ang hiling ng mga tao. Kung minsan, nauuna pang maibigay ang biyaya bago pa sila dumaing. Talagang labis ang pagiging mapagbigay ni Bathala.

Ngunit sa kabila ng kasaganahang tinatamasa nila, hindi nakukuntento ang mga tao. Nagsimula silang humiling ng mga bagay na hindi naman nila talagang kailangan upang mabuhay. Natuto rin silang magtago ng mga biyayang ibinigay sa kanila ni Bathala. Hindi nagtagal ay natuto na rin ang ibang magnakaw. Naging makasarili at maramot ang ilan sa kanila.

“Bathala, dagdagan mo pa ang mga alahas ko,” ang paangil na hiling ng isang babae.

“Bathala, kailangan ko ng bakod. Palagi na lamang pumapasok ang aking kapitbahay para humingi ng pagkain,” ang reklamo naman ng isang lalaki.

Nagalit si Bathala sa mga tao. “Dahil naging makasarili kayo, hindi ko na ibibigay ang mga pangangailangan ninyo.”

Mula noon ay hindi na nagbibigay ng kahit na anong bagay si Bathala. Kahit na anong hiling at pagmamakaawa ng mga tao ay hindi na sila pinakikinggan ni Bathala. Napilitan silang maghanap ng kanilang makakain. Natuto silang magtanim at mangaso. Ang ilang kababaihan ay nag-aral ng paghahabi upang sila ay may maisuot. Ang kalalakihan naman ay natutong magtayo ng mga bahay gamit ang mga kahoy na kanilang pinuputol.

Kapag sila ay nakagagawa ng isang bagong bagay, nagdidiwang ang mga tao. Isang araw, natutong gumawa ng sibat ang mga tao. Nagkaroon sila ng masayang pagdiriwang. Nagsayaw ang mga kalalakihan hawak ang kanilang bagong gawang sibat. Sa kalagitnaan ng kanilang pagdiriwang, napalundag nang mataas ang isang mananayaw at di nito sinasadya na masugatan si Bathala ng kanyang sibat.

Sa sobrang galit ni Bathala ay itinaas niya ang langit. Hindi na ito maabot ng mga tao kahit na umakyat pa sila sa pinakamataas na bundok.

Modified from this: https://philippineculturaleducation.com.ph/bakit-mataas-ang-langit/

 Download the module here to answer the vocabulary, comprehension questions., and other exercises.