Ang likas na yaman ay anumang bagay na nagmumula sa kapaligiran na mahalaga at ginagamit ng mga tao. Sinasabing ang likas na yaman ay regalo ng kalikasan.
Mahalaga ito sa kabuhayan ng isang komunidad. Dito natin kinukuha ang ating mga pangangailangan. Sa likas na yaman din nagmumula ang mga hilaw na materyales (raw material) na kailangan sa paggawa ng iba't ibang produkto.
Ang mga likas na yaman ay maaaring uriin sa apat na grupo:
Yamang Lupa
Ang mga yamang lupa ay mga bagay na nagmumula sa mga kapatagan, talampas, lambak, at iba pang anyong lupa. Halimbawa nito ang mga gulay at prutas na tumutubo sa lupa. Kasama rin sa yamang lupa ang mga hayop tulad ng kalabaw, kambing, aso, at manok.
Yamang Tubig
Nakukuha ang yamang tubig sa dagat, ilog, at iba pang mga anyong tubig. Kasama sa yamang tubig ang isda, hipon, alimango, talaba, at iba pa. Nakukuha rin sa katubigan ang mga perlas, korales, kabibe, at damong dagat.
Yamang Gubat
Ang acacia, ipil-ipil, kamagong, mahogany, at narra ay mga halimbawa ng yamang gubat. Makukuha sa mga puno ang troso at tabla para sa paggawa ng mga bahay, mesa, silya, at iba pang kasangkapan. Nakukuha rin sa kagubatan ang mga halaman na pinagkukunan ng materyales tulad ng bulak, at anahaw. Matagpuan din dito ang mga hayop tulad ng tarsier, haribon, at tamaraw.
Yamang Mineral
Sa mga kabundukan nakukuha ang mga yamang mineral. Kailangan itong hukayin o minahin mula sa ilalim ng lupa. Ginto, tanso, pilak, bakal, bato, marmol at lupa ay ilan lamang sa mga halimbawa ng mga yamang mineral. Kasali din sa uring ito ang langis na ginagamit natin upang magpatakbo ng mga makinarya.
Narito ang mga sanayang papel para sa Uri ng Likas na Yaman:
AP 2 - Uri ng Likas na Yaman
Maikling pagsusulit sa pagkilala kung ang isang likas na yaman ay yamang lupa, tubig, gubat, o mineral
Mahalaga ito sa kabuhayan ng isang komunidad. Dito natin kinukuha ang ating mga pangangailangan. Sa likas na yaman din nagmumula ang mga hilaw na materyales (raw material) na kailangan sa paggawa ng iba't ibang produkto.
Ang mga likas na yaman ay maaaring uriin sa apat na grupo:
Yamang Lupa
Ang mga yamang lupa ay mga bagay na nagmumula sa mga kapatagan, talampas, lambak, at iba pang anyong lupa. Halimbawa nito ang mga gulay at prutas na tumutubo sa lupa. Kasama rin sa yamang lupa ang mga hayop tulad ng kalabaw, kambing, aso, at manok.
Yamang Tubig
Nakukuha ang yamang tubig sa dagat, ilog, at iba pang mga anyong tubig. Kasama sa yamang tubig ang isda, hipon, alimango, talaba, at iba pa. Nakukuha rin sa katubigan ang mga perlas, korales, kabibe, at damong dagat.
Yamang Gubat
Ang acacia, ipil-ipil, kamagong, mahogany, at narra ay mga halimbawa ng yamang gubat. Makukuha sa mga puno ang troso at tabla para sa paggawa ng mga bahay, mesa, silya, at iba pang kasangkapan. Nakukuha rin sa kagubatan ang mga halaman na pinagkukunan ng materyales tulad ng bulak, at anahaw. Matagpuan din dito ang mga hayop tulad ng tarsier, haribon, at tamaraw.
Yamang Mineral
Sa mga kabundukan nakukuha ang mga yamang mineral. Kailangan itong hukayin o minahin mula sa ilalim ng lupa. Ginto, tanso, pilak, bakal, bato, marmol at lupa ay ilan lamang sa mga halimbawa ng mga yamang mineral. Kasali din sa uring ito ang langis na ginagamit natin upang magpatakbo ng mga makinarya.
Narito ang mga sanayang papel para sa Uri ng Likas na Yaman:
AP 2 - Uri ng Likas na Yaman
Maikling pagsusulit sa pagkilala kung ang isang likas na yaman ay yamang lupa, tubig, gubat, o mineral
Comments
Post a Comment